LGU-Tupi, nag-alay ng dasal sa namapayapang dating bise alkalde Tamayo

Nag alay ng isang mataimtim na dasal ang Lokal na Pamahalaang Bayan ng Tupi para sa pagpanaw ng dating Bise alkalde ng Bayan na si Loreto S. Tamayo kasabay ng Regular Morning Monday Convocation ngayong araw.

Matatandaang sumakabilang buhay na si dating bise alkadle Loreto Tamayo, alas 3:00 ng madaling araw, noong Biyernes, July 31.

Nagsilbing Municipal Councilor sa Tupi ng limang taon si Tamayo mula 1988-1992 at nailuklok ito bilang Bise Alkalde taong 1992 at nanungkulan sa loob ng pitong taon kung kaya’t ganoon na lamang ang pagpapahalaga sa paggunita ng lokal na pamahalaan sa mga alaala ng dating bise alkalde.

Nakahimlay ngayon ang mga labi ng namapayapang bise alkalde sa Prk 2, Nat'l High Way sa bahay ng kanyang bunsong anak na si Dra. Marcellino at nakatakdang ihatid sa kanyang huling hantungan sa darating na Agosto 9 sa Holy Trinity Memorial Park.