Tupi, Cebuano, Most Prepared LDRRMC ng SoCot

Tinanghal ang Bayan ng Tupi bilang Most Prepared Municipal Disaster Risk Reduction and Management Council sa buong probinsya ng South Cotabato.

Ito ay iginawad sa Awarding Ceremony at Culmination Program ng National Disaster Consciousness Month sa Provincial Covered Court, noong Biyernes, July 31

Nakuha rin ng Barangay Cebuano ang parangal na Most Prepared Barangay Disaster Risk Reduction & Management Council sa Rural Area Category.

Ito ay kaugnay sa isinagawang Gawad KALASAG Search for Excellence in DRRM in 2015 Provincial Validation.

Kanina sa Regular Monday Morning convocation ay muli naman iginawad ni Tupi Mayor Reynaldo S. Tamayo Jr, at mga Heads of Offices sa Tupi-MDRRMC ang tropeyo at tseke na nagkakahalaga ng P30,000.

Bukod pa rito ay nagpalabas na ang Office of the Civil Defense XII ng resulta ng Regional Gawad Kalasag 2015 Winners at tinaguriang Region XII's Best DRRM ang Bayan ng Tupi sa Municipal level 1^st-3^rd class at ang Barangay Cebuano naman sa Barangay Rural level.

Dahil rito, magiging regional bets na ang mga ito sa National Level ng Gawad Kalasag Search for Excellence in DRRM.