Umanoy Treasure Hunting Activity sa Prk 3-A, pinapatigil ng Brgy.Poblacion

Pinapatigil ng Barangay Council ng Barangay Poblacion ang umanoy treasure hunting activity sa Prk. 3-A, bayan ng Tupi.

Matapos makatanggap ng mga reklamo sa mga concerned citizen ay agad na pinuntahan ni Punong Brgy. Joselito Yabut kasama si Kgd. Rey Balanon ,Chairman on Committee on Environment, Kgd. Vicente L. Trabado, Chairman on Public Safety at si Kgd. Vergel Javier na agad na magsagawa ng ocular inspection sa nasabing inerereklamong lugar.

Napag-alaman sa imbestigasyong ginawa ng Brgy.Council ng naturang Barangay na ang site ay pag mamayari ni isang Ferlita Mayo at walang kauukulang permit ang nasabing aktibidad, kung kaya’t ito’y agad na pinatigil.

Ipinatigil ang proyekto sa kadahilanang ang hukay ay isinasagawa malapit sa electrcic tower ng National Grid Corporation of the Philippines at maaring makaapekto sa isinagawang aktbidad.