1,500 Senior Citizen ng Tupi, tumanggap ng Social Pension

Nasa isang libo apat na raan at pitumpo’t siyam na senior citizen ng Bayan ng Tupi ang tumanggap kamakailan ng kanilang social pension para sa second quarter ngayong taon.

Tanging ang Barangay Simbo at Miasong na lamang ang hindi pa nabigyan sapagkat ang mga kawani ng Tupi Municipal Social and Development Office mismo ang pupunta sa malalayong barangay na ito.

Ayon sa tala ng Tupi-MSWDO, ang Barangay Poblacion ang may pinakamaraming benepisyaryo na mayroong kabuuang bilang na dalawang raan at dalawampu’t isa (221) habang ang Tubeng naman ang may pinakamaliit na bilang na mayroong apatnapu’t lima (45).

Tumatanggap ng isanlibo at limandaang piso (P1,500) ang bawat senior citizen edad 65 anyos at pataas kung napabilang sa National Housing Target System, at edad 77 anyos at pataas naman kung hindi.