Dagdag DPWH engineers , magbabantay sa implementasyon ng mga proyekto

Mas maraming mga engineer ang magbabantay sa tamang pagpapatupad ng mga proyekto ng Department of Public Works and Highways (DPWH) XII.

Mayroong itinalagang tatlumpo’t siyam (39) na bagong Engineer II mula sa Regional Office at walo (8) naman mula sa mga District Engineering Office.

Sila ay ang sumailalim kamakailan sa dalawampu’t isang (21) araw na Comprehensive training for Provisional Accreditation of DPWH Field Engineers.

Layon ng pagsasanay na malinang ang kakayahan ng mga naturang kawani bilang mga project engineers at mga project inspectors na siyang titiyak na tamang proyekto ang ipapatupad sa tamang halaga, kalidad, oras at tao.

Samantala, mayroong kabuuang isandaan at animnapo’t siyam na on-going projects na sakop ng South Cotabato 2^nd District Engineering Office na kung saan tatlumpo’t dalawa (32) rito ay ipinatutupad sa Bayan ng Tupi.