Mga kalahok ng Tupi sa T'nalak Festival 2016, nagsisimula nang mag-ensayo!

4. Mga kalahok ng Tupi para sa T'nalak Festival 2016,  nagsisimula nang mag-ensayo!

Dalawang buwan bago ang T’nalak Festival 2016 ay nagsisimula nang mag-ensayo ang mga kalahok ng bayan ng Tupi.

Nagsimula na ang ensayo o rehearsals ng Search for Mutya ng South Cotabato 2016 na kung saan si Miss Carren Mae Mundia ang opisyal na representante ng Tupi.

Sasalihan din ng Tupi ang Piyesta Sa Kapatagan Street Dancing Competition na ang mga partisipante ay mula sa Tupi National High School.

Matatandaang dalawang taon nang namahinga sa nasabing kompetisyon ang Tupi at ngayon ay muling sasabak at magpapakitang gilas sa larangan ng Street Dancing.

Dagdag pa dito, bumuo na ang Tupi ng magiging opisyal na miyembro ng Awit, Dula, at Sayaw o ADUSAY.

Dalawang sunod-sunod na taon na ring hawak ng Tupi ang kampeonato sa ADUSAY competition at maging sa Bahay Kubo Competition.

Ang Lokal na Pamahalaan ng bayan naman ay lalahok sa Thematic Parade- LGU Category sa kauna-unahang pagkakataon.

Hulyo nitong taon ipagdiriwang ang ika-limampong anibersaryo ng probinsya ng South Cotabato. Sampong munisipyo at isang lungsod naman ang maghaharap sa iba’t-ibang competition.

Matatandaang, anim na raang libong piso ang ilalaan na pondo ng LGU-Tupi sa naturang selebrasyon.