48 gov’t execs, naglatag ng “Assessment Studies of Focused Innovation in Governance& Dev't” para sa Brgy. Poblacion

Inilatag ngayong araw ng may 48 government executives ang kanilang "Assessment Studies of Focused Innovation in Governance and Development" kaugnay sa isinagawang 4-day structured attachment or real-life immersion sa Barangay Poblacion Bayan ng Tupi.

Matatandaang nagkaroon ng briefing-orientation, sharing session at forum noong nakaraang Martes, July 28 sa Greenleaf Hotel, Lungsod ng Heneral Santos City.

Dito nagkaroon ng pagkakataon ang Barangay Poblacion sa pamumuno ni PB Joselito Mao Yabut na ipresenta ang mga successful innovations at award-winning initiatives ng barangay sa harap ng nasabing grupo na may hawak ng third at highest level sa government bureaucracy.

Ibinida rin ni Tupi Mayor Reynaldo S.Tamayo ang mga best practices and innovations ng Lokal na Pamahalan ng Bayan ng Tupi.

Noong Miyerkules, July 29 ay dumating sa Bayan ng Tupi ang nasabing government executives upang magsagawa ng pag-aaral sa Barangay Governance ng Poblacion kabilang na rito ang mga  (1) Structure, Policies, Systems, Tools and Practices, (2) Ecological Balance, Nature Conservation and Environmental Protection, (3) Social Development gaya ng Health, Nutrition, Sanitation, Youth and Family Welfare at (4) ang Disaster Risk Assessment, Planning, Management and Response Capacity-Building.

Ngayong araw, July 31 ang itinakdang panghuling araw ng training kung saan magbibigay ng summary, findings at recommendation ang grupo.

Ang Barangay Poblacion ay napili bilang Laboratory site ng pag-aaral na kabilang sa Community Engagement Module ng Integrated Gabay ng Paglilingkod Training Course.

Ang I-Gabay ay napasailalim sa Executive Leadership Program ng Career Executive Service Board.