P1M ipamimigay sa 1K IP beneficiaries

Mahigit kumulang P1.1-M ang ipamimigay sa 953 na IP beneficiary kaugnay sa programa ng National Government.

Ang programang ito ng gobyerno ay may nakalaang kondisyon sa bawat benepisyaryo, kabilang na rito ang edukasyon, kalusugan at ang pagdalo sa mga session na pinangangasiwaan ng ibat-ibang tanggapan.

Ang unang kondisyon ay ang alokasyon sa edukasyon kung saan ang mga benepisyaryo ng nasabing programa ay ang mga magulang na may anak na 0-18 taong gulang at nag-aaral.

Ang pangalawang kondisyon ay ang pangkalusugan kung saan ang mga benepisyaryong buntis ay inoobligang manganak sa health centers. Ang mga batang nasa eda 0-6 taong gulang naman ay inoobligang sumailalim sa deworming dalawang beses sa isang taon.

Ang pangatlong kondisyon ay ang pagdalo sa mga session na pangangasiwaan ng ibat-ibang tanggapan ng gobyerno tulad ng effective parenting, disaster preparedness, health at iba pa.

Ayon kay Tupi Mayor Reynaldo S. Tamayo Jr., inaasahan niyang mapunta ang pera sa makabuluhang bagay, dahil ang pinakaimportante ay mabigyan ng edukasyon ang mga kabataan.