PB Yabut malaki ang pasasalamat sa pagpili ng CESB sa Brgy. Poblacion bilang laboratory site ng gov't execs

“Malaki ang aking pasasalamat  dahil tayo ang napili at ito ay isang napakalaking bagay na babain tayo ng mga hindi basta-bastang tao,” ito ang pahayag ni Punong Barangay Joselito "Mao" Yabut.

Ito ay matapos na pinili ng Career Executive Service Board ang Barangay Poblacion bilang isa sa kanilang laboratory site sa ilalim ng Integrated Gabay ng Paglilingkod Training Course program na isinagawa kahapon July 29.

Ilan sa mga iprinesenta ni Punong Barangay Yabut ay ang Barangay Governance kabilang ang  Structure, Policies, Systems, Tools and Practices, Ecological Balance, Nature Conservation and Environmental Protection, kabilang din ang Social Development kung saan napaapaloob ang Health, Nutrition, Sanitation, Youth and Family Welfare at ang Disaster Risk Assesment, Planning, Management and Response Capacity-Building.

Kasabay rin na isinagawa kahapon ang validation at emersion sa Bayan ng Tupi tungkol sa mga iprenesenta ni Tupi Mayor na best practices at trust programs ng local na pamahalaang bayan ng Tupi noong Martes June 28.

Nasa 48 government executives mula sa iba't-ibang ahensiya ng gobyerno sa buong bansa ang sumailalim sa nasabing real life immersion activity na handang makakuha ng CESO rank.