Pamamahagi ng Social Pension sa 15 barangay, hindi pa tapos

Hindi pa tapos ang pamamahagi ng Social Pension sa nasa isang libo apat na raan at pitumpo’t siyam (1, 979) na senior citizen ng Bayan ng Tupi.

Nagsimula noong nakaraang linggo hanggang sa kasalukuyan ang pamamahagi.

Ayon sa tala ng Tupi Municipal Social Welfare and Development Office, ang labin-apat na barangay ng Tupi ay hindi pa na kumpletong nakatanggap ng kanilang pension.

Ang Poblacion ay mayroon pang naiwang 24, ang Polonuling ay may 4 pang hindi nakakuha, tatlo naman sa Crossing Rubber at Bololmala, Dalawa sa Cebuano at isa sa Tubeng at Acmonan.

Tanging ang Barangay ng Miasong na lamang ang hindi pa nabigyan kahit isa sapagkat ang mga kawani ng Tupi MSWDO mismo ang pupunta sa malayong barangay na ito.

Tumatanggap ng isanlibo at limandaang piso (P1,500) ang bawat senior citizen edad 65 anyos at pataas kung napabilang sa National Housing Target System, at edad 77 anyos at pataas naman kung hindi.