Phivolcs, naglagay ng seismic station sa Mt. Matutum

Panibagong seismic station ang inilagay kamakailan ng Philippine Institute of Volcanology and Seismology (Phivolcs) sa Sitio Kitobo, Barangay Miasong Bayan ng Tupi.

Ito ay upang mapalakas ang monitoring sa bulkan. Malaking tulong rin ang seismic station sa pagkuha ng mga datus sa bundok at sa operasyon ng dalawang (2) unmanned stations” na nauna nang inilagay ng Phivolcs.

Ang nasabing mga "unmanned seismic stations'' ng Phivolcs ang matatagpuan sa Sitio Alnamang, Barangay Palkan sa Polomolok at Barangay San Jose, Gensan na siyang nagbabantay sa galaw at sitwasyon ng Mt. Matutum.